بتوعى ع بكرا بتشرب فنجان قهوة رواق ع الآخر كل شي تمام اليوم
قبل م تروح ع شغلك او تبلش نهارك بتصلب ع وجك او بتقرا الفاتحة لانو ببلد متل لبنان ما بتعرف شو مخبالك
بتوقف ع الرصيف ناطر وسيلة نقل والسيارات عم تزمر وعجقة كتير اذا طلعت بسيارة بيطلعلك شوفير بصير يخبرك عن الطريق والبنزين وكيف كان قبل وكيف صار قبل 7 ايار 2008 كانوا يحكونا سياسة هلق اذا انت حكيت ما بخليك وبحط ملاحظة ممنوع الحكي بالسياسة والطريق جور كتير وحفريات ع اساس انو بالصيف بدن يضبطو الطرقات كرمال السواح وكل طريق بدها شي 3 سنين انا عادة باخد فان او يعني وسيلة نقل مشتركة ع شغلي يمكن لانو حالتي ع قدي او لاني بحب البيئة بس اكيد مش لانب بحب العجقة
اذا كنت محظوظ بقعد قدام كرمال ما اطلع وانزل مية مرة ع الطريق تنزل ركاب واوقات كتير بعتل هم حد مين قاعد يعني بيطلعلك واحد من العمال الاجانب
-اكيد فهمتو مين يعني-
بيشتغل كل النهار والليل بنفس التياب يعني شو ريحة معتق من يللي قلبك بحبها وبتصير مش عارف كيف بدك تتنفس او بكون جارك يعني جارك بالمقعد شي واحد بالع راديو ع الصبح بصير يخبرك خبار كأنك بتعرفو من زمان عن حماتو ومرتو وكيف ضيع جوز كلسات اليوم وكيف مرتو ما بتعرف تغسل ويمكن يتجوز عليها انو انا شو دخلني بالقصة كلها؟؟؟؟
وشي عم يحكي سياسة وشي عم ببصبص من الشباك وفجأة بتطلع بنت حلوة سكسي يعني وبصير الكل يتطلع فيها من فوق لتحت انو العمى بقبكن بعدنا مبلشين النهار
هيدا غير المشاكل يللي بتشوفها ع الطريق يعني عجقة السير والمشاكل بين اصحاب الفانات وحوادث السير واذا حظك عاطل اليوم بيمرق شي موكب ل شي نايب بالبرلمان وبصير بدك تنطر ت يمرق لتكمل سيرك
ايمتى رح يضبط هالبلد يمكن مش ع ايامي وايامك
بتعرفو صار راسي يوجعني صار بدها سيجارة وفنجان قهوة عن اذنكن
اذا كنت محظوظ بقعد قدام كرمال ما اطلع وانزل مية مرة ع الطريق تنزل ركاب واوقات كتير بعتل هم حد مين قاعد يعني بيطلعلك واحد من العمال الاجانب
-اكيد فهمتو مين يعني-
بيشتغل كل النهار والليل بنفس التياب يعني شو ريحة معتق من يللي قلبك بحبها وبتصير مش عارف كيف بدك تتنفس او بكون جارك يعني جارك بالمقعد شي واحد بالع راديو ع الصبح بصير يخبرك خبار كأنك بتعرفو من زمان عن حماتو ومرتو وكيف ضيع جوز كلسات اليوم وكيف مرتو ما بتعرف تغسل ويمكن يتجوز عليها انو انا شو دخلني بالقصة كلها؟؟؟؟
وشي عم يحكي سياسة وشي عم ببصبص من الشباك وفجأة بتطلع بنت حلوة سكسي يعني وبصير الكل يتطلع فيها من فوق لتحت انو العمى بقبكن بعدنا مبلشين النهار
هيدا غير المشاكل يللي بتشوفها ع الطريق يعني عجقة السير والمشاكل بين اصحاب الفانات وحوادث السير واذا حظك عاطل اليوم بيمرق شي موكب ل شي نايب بالبرلمان وبصير بدك تنطر ت يمرق لتكمل سيرك
ايمتى رح يضبط هالبلد يمكن مش ع ايامي وايامك
بتعرفو صار راسي يوجعني صار بدها سيجارة وفنجان قهوة عن اذنكن
No comments:
Post a Comment